នាព្រឹកថ្ងៃទី៣១ ខែកក្កដា ឆ្នាំ២០២៥
ក្រុមសមាជិកព្រឹទ្ធសភាប្រចាំភូមិភាគទី១ ដឹកនាំដោយឯកឧត្តម ម៉ាន់ ឈឿន អនុប្រធានក្រុម តំណាងដ៏ខ្ពស់ខ្ពង់របស់ឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី១ បានអញ្ជើញជួបសំណេះសំណាល និងដឹកនាំក្រុមគ្រូពេទ្យស្ម័គ្រចិត្តរបស់អង្គការសង្រ្គោះវេជ្ជសាស្ត្រអន្តរជាតិប្រចាំនៅកម្ពុជា (IMR) ចុះមកពិនិត្យនិងព្យាបាលជំងឺដោយឥតគិតថ្លៃជូនប្រជាពលរដ្ឋចំនួន១ថ្ងៃ នៅក្នុងបរិវេណវត្តឥន្ទពិសី ស្ថិតក្នុងសង្កាត់កោះដាច់ ខណ្ឌជ្រោយចង្វារ រាជធានីភ្នំពេញ។
ឆ្លៀតក្នុងឱកាសនោះដែរ ឯកឧត្តម ម៉ាន់ ឈឿន បានមានប្រសាសន៍ផ្តាំផ្ញើដល់ប្រជាពលរដ្ឋទាំងអស់ ត្រូវតែថែទាំសុខភាពឱ្យបានល្អ និងត្រូវចង់ចាំថាមានសន្តិភាពទើបយើងមានថ្ងៃនេះ ហើយសន្តិភាពគឺជាគ្រឺះនៃការអភិវឌ្ឍប្រទេសជាតិយើង ជាពិសេសសូមដឹងគុណដល់វីរៈកងទ័ពដែលបានពពលីជីវិត និងលះបង់ក្នុងការតស៊ូការពារបូរណភាពទឹកដីនៅតាមបន្ទាត់ព្រំដែនកម្ពុជា-ថៃ សូមអរគុណសន្តិភាព…៕
ប្រភព៖ នាយកដ្ឋានព័ត៌មាន
